旅遊攻略 - 台北 (美食篇)
自問同好多香港人一樣，都係一個台灣痴，每年總會忍唔住走去台北幾次，見大台之前有個覓食台北，心思思又過左去台北。。。
上次主攻高級餐廳，有人覺得堅離地，今次咪再去尋覓下大眾化既食物！質素價錢從來未必掛勾，今日首站就帶你去食雪條！
呢間既雪條標榜由真果肉製成，雪條內藏有多過一款既果肉，而且佢既口味好多元化！我個人非常推薦呢款蘋果威士忌味，威士忌味好香，但又少左威士忌本身好濃烈既苦澀味，清新既蘋果味又可以輕輕帶起個威士忌味，配搭得真係好正！每條大約為HKD$15, 算係抵食咖！
8% Ice
台北信義新光三越地下